Friday, July 1, 2011

Katas Ng Sibuyas





Iba’t ibang kwento ng pakikipagsapalaran ang ating naririnig mula sa mga katulad kong mangagawang pinoy sa ibayong dagat. Minsan ang simpleng kuwentuhan ng mga OFW ay nauuwi sa pagbabahaginan ng mga karanasan. Ang iba naman ay sadyang pinagtagpo ng panahon, nagkita sa isang hindi inaaasahang pangyayari ngunit nakapag- iiwan  ng aral sa isip at damdamin ng bawat isa.Na-engganyo ako na  isulat ang maikling pakikipag-usap sa isang kabayan natin na nagtatrabaho bilang kasambahay dito sa bansang Kuwait. Kakaiba kasi ang kuwento niya at kung malalaman lamang ng mga mahal niya sa buhay lalo na ng kanyang mga anak ang kanyang ginawa marahil lalo nilang mapapahalagahan ang sakripsiyo ng kanilang ina .

Nakita ko si kabayan na nakapila para magpadala ng pera sa pinas. Paglapit niya sa akin binigyan ko siya ng isang maliit na papel upang isulat kung saan at kanino niya ipadadala ito. Habang nagsusulat tinignan ko si kabayan  mukhang nakalimutan niya na magsuklay ng buhok, palihim akong napangiti. Ganun talaga kasi karamihan sa mga kasambahay hindi na makapag-ayos ng kanilang sarili  dahil sa kasabikang makalabas. Karamihan kasi sa kanila ay hindi pinapayagan ng kanilang amo na makalabas.Ang iba nga na kadama rito amo pa nila ang nagpapadala ng pera para sa kanila. Maya-maya pa ay iniabot na sa akin ni kabayan ang papel na binigay ko sa kanya. At doon nagsimula na mag kuwento si kabayan.

“ Alam mo Kabayan, ayaw pa nga talaga ibigay ang sahod ko ng amo namin, gumawa lang talaga ako ng paraan.”, wika ni kabayan sa akin.

Bakit naman, kailan ba kayo pinasasahod? Ang tanong ko.

“ Sa a singko pa dapat pero kabayan kailangan talaga ng anak ko dahil sa eskwela saka mapuputulan na raw sila ng kuryente", ang sagot ni kabayan sa akin.

“Ganun ba. Buti naman binigay agad ng amo mo yung sahod mo.”

“Kabayan kundi pa ako umiyak di nya bibigay sahod ko.Ang ginawa ko nilagyan ko ng katas ng sibuyas  ang mata ko  para talagang  makita niyang may luha at baka sakaling maawa sa akin” ang nangingiting sagot ni kabayan.

Sa puntong iyon, di ko alam kung matatawa ako o kaya maaawa kay kabayan.  Kakaiba ang istilo niya pero nakatatawa man di maiaalis ang katotohanan na ang ina gagawa at gagawa ng paraan para sa kanyang mga anak. Simpleng istorya ng isang OFW na nagpapakita ng tunay na pagsasakripisyo para sa kanyang pamilya. At ang naging puhunan niya ay ang  KATAS NG SIBUYAS.  





6 comments:

  1. ganyan talaga ang buhay bro, may nakilala din ako sa al khobar dati when i was wrking there. Ang ginawa naman nya habang kausap nya immediate boss nya, ung hinlalaki sa paa nya sinadya nyang ipit sa table para tumulo luha nya hehehheh ..... ibang ofw nga baon sa utang dahil di kasya ung sahod nila.. ..kami naman dati sa al khobar namumulot kami ng can tapos iniipon namin sa isang sako tapos pag puno na saka namin ibenta. Tapos minsan, namumulot kami ng mga fruits na tinatapon sa basurahan...hehhhehe mga arabo kasi pag may kunting sira na kagaya ng watermelon o mga grapes na may kunting deperensya tinatapon na ....kami naman nako unahan hahahhaahah yon lang kadiri pero ginawa namin...

    ReplyDelete
  2. ang pinoy talaga no, daming paraan hehehe kaya nga hanga ako sa mga ofw sana man lamang makita at maramadaman ng mga pamilya nila ung sakripisyo nila. ingat ka lagi at god bless

    ReplyDelete
  3. kahanga-hangang Pinay i like the story

    ReplyDelete
  4. Parang ayaw ko nang umalis ng pinas :")

    ReplyDelete
  5. buti kamo alam u ang katas ng sibuyas sana maicip u yan rodel.yong pera na kinain u katas yan ng pawis ko diko yan nakaw.sana maalala u.nag tiis ko di2 sa kuwait nag tipid kc may pangarap ko sa kapatid ko na maka punta di2 sa kuwait.piro anong ginawa u sinira mo ang kina bukasan ng kapatid ko yong pera na bigay ko sayo para sa vesa ng kapatid ko kinain u ginastos u (54,ooo)pisos rodel san ko yan
    hahanapin ulit.sana may kunsinsya ka balik u yang pera nayan.

    ReplyDelete
  6. nong nakuha muna ang pera ko bigla kang nawala tawag ko ng tawag di u na sinasagot yon pala umuwi kana sa pinas....kong gaano ka magaling mag gawa ng kuento ganon ka din kagaling mangluko sa kapwa u....mangluluko..............ka rodel jaboli mancera....

    ReplyDelete